اسكتش ( الاميرة )

تأليف / جميل منصور

المشهد الأول

( منزل يبدو أنيقا ومريم تنظف البيت فى

أرق وتعب واضح .. وتدخل ليلى

ليلى ما أسعدنى ما أهنائى .. سأخرج اليوم وأذهب للتنزه مع صديقاتى .. أن أمى أشترت لى كل
ما طلبته منها فستان جميل .. وحذاء رائع .. أن أمى لا ترفض لى طلبا
( تأكل الشيكولاته وترمى الورق على الأرض )
مريم ليه بتعملى معايا كده .. ليه بترمى الورق على الأرض .. أنا بتعب طول اليوم فى نظافة
المنزل .. وأنت لاأنت هنا
ليلى وأنت بتعملى ايه هنا .. بتشتغلى ايه هنا .. أنت هنا علشان تنظفى البيت .. أنا بحذرك
..مالكيش دعوة بى .. أنا أعمل اللى أنا عايزاه وانت عليكى تعيدى كل حاجة فى مكانها
الطبيعى .. ياللا بسرعة هاتيلى الجزمة الجديدة من جوه
مريم حاضر .. حاضر
( تخرج مريم منهارة من البكاء )
ليلى انا لازم أخلص منها .. هى فاكرة نفسها أختى .. عاوزة تعمل رأسى برأسها .. هى فين وأنا
فين .. أنا خلقت لأعيش وأمرح وألهو .. وهى خلقت لتخدمنى ... وتلبيلى كل طلباتى
( تدخل مريم )
مريم الجذمة يا أختى
ليلى ما تقوليش أختى مرة ثانية سامعة ولا مش سامعة .. ياللا لبسينى الجذمة .. وماتخليش
صوابعك تلمسنى علشان أيديكى قذرة ..
مريم حاضر حاضر ..ربنا يسامحك ..
ليلى بتبرطمى تقولى أيه
مريم ولا حاجة ..
( تقوم مريم بتلبيس الحذاء لليلى )
ليلى أهه كده .. حاسبى رجلى .. أنت ايه ما بتفهميش .. أوعى وأنت جاهلة .. بصيلى وأنت
تعرفى الفرق اللى بينى وبيتك .. أنا متعلمة وحلوه وجميلة .. بصيلى وأحزنى على نفسك
( صوت كلاكس سيارة )
ليلى ياه .. العربية جت .. انا رايحة اتفسح مع صحابى .. وعقبال ما أرجع يكون الغذاء جاهز
فاهمة .. باى ... جاتك داهية ..
مريم تروحى وترجعى بالسلامة .. يارب .. لقد تعبت جدا فى البيت ده ..وجسمى النحيل ما
يستحملش التعب ده كله .. ليه يا أمى تركتينى ورحتى السماء .. كنت خذينى معاكى .. ابويا
اجوز واحدة غيرك .. وربنا رزقة ببنت .. قولت خلاص بقى لى أخت ممكن تعوضنى عن
رحيلك .. لكن للأسف لقيتها أخت جافية قاسية ماعندهاش قلب .. ومش قادرة أحكى لبابا ..
مش عايزاه يتنكد .. شايفاه مبسوط مع مراته الجديدة .. مش عايزة أضيع عليه سعادته ...
لكن لحد أمته حا أستحمل العذاب ده .. أنا هنا عايشة فى بيت أبويا ذليلة ..خدامة لمرات
أبويا وبنتها .. ومرات أبويا قلبها أقسى من الحجر الصوان .. ليتك ترحمنى يا رب وتخدنى
.. محتاجه لحنانك يا أمى .. محتاجه لصدرك .. يارب اتكالى عليك يارب ... اتكالى عليك
يارب ... اتكالى عليك يارب .
( تدخل مرات الأب – الزوجة )
الزوجة انت هنا بتعملى أيه .. ياللا خشى المطبخ شوفى اللى وراك .. وايه ده كلة هو البيت لسه
لحد دلوقتة ما اتنظفش .. ياللا بسرعة أحسن أخلى يومك أسود
مريم انت ليه بتعملينى كده .. أنا مش زى بنتك
الزوجة نعم نعم نعم .. زى مين ياجربوعة أنت ... أنت فين وهى فين .. أياكى يوم تحسى أنك
زيها .. لا يا حبيبتى فوقى ...
مريم أنا خلاص تعبت ,, البيت كله عليا لوحدى ,, ليه الظلم ده
الزوجة حاسة أنك مظلومة .. خلاص سيبى البيت وأمشى
مريم أسيب بيت أبويا وأروح فين
الزوجة بيت مين يا حبيبتى .. ابوك .. أبوكى ده أيه .. كل حاجة بقيت خلاص بأسمى ولو مش
عاجبك أنت وأبوك بره .. بيت ابويا قال ,,فهمتى ياشاطرة ولا نعيد ثانى .
مريم يعنى أيه
الزوجة يعنى تشتغلى وبس من غير سكات .. ياللا روحى أمشى أنجرى على المطبخ
(مريم تبكى وتخرج)
الزوجة لا .. البنت ده لازم تمشى من البيت .. لازم تسيب البيت فورا .. لما ييجى أبوها أتسببلها
فى علقة ساخنة .. علشان تحرم تعمل رأسها براس بنتى .. يا يضربها يا أما أقلب عليه ..
لازم تمشى من البيت ده .. علشان بنتى تعيش فى الهنا ده كله لوحدها ..هوه ما فيبش غير
كده ..لازم تمشى يعنى لازم تمشى ..
( يدخل الزوج )
الزوج مساء الخير .. مين ديه اللى لازم تمشى
الزوجة البنت الخدامة اللى اسمها فوزية ... رغاية وكلامها كثير .. ومش نافعة .. فلوس بندفعها
ع الفاضى
الزوج حرام تمشيها ديه غلبانة .. ثم اهيه بتساعد فى طلبات البيت
الزوجة أحنا نوفر فلوسها اللى بتأخذها .. وأهه بنتى ليلى بتعمل كل حاجة بنفسها
الزوج هى فين بالحق ليلى

الزوجة ليلى راحت السوق تجيب طلبات البيت .. مارضتش تخلى مريم تروح .. مش عايزة
تتعبها
الزوج ما ليلى ومريم دول أخوات
الزوجة مش تيجى تدخل أوضتك ترتاح عقبال ما أحضرلك العشاء
الزوج ياللا لأحسن تعبان قوى .. شغل النهاردة كان كثير
( يخرجان معا وتدخل مريم )
مريم أنا سمعت كل حاجة .. أعمل أيه ياربى .. دلنى يارب.... علشان ما أعملش حاجة غلط ....
علشان ما أعملش حاجة تغضبك .. لو حا أقول لبابا الحقيقة مش حا يصدقنى ويمكن
يضربنى .. لكن ليه أستحمل كل العذاب ده .. ليه ليه ليه .. وليه بابا مش حاسس بى ليه ...
ليه الظلم ده ليه .. أنا لازم أسيب البيت فورا .. لكن حا اروح فين .. لكن لازم أخرج من
البيت اللى الشر ماليه ..والرب شاهد .. يارب ساعدنى ...ماليش حد ألتجأ أليه غيرك ..
ماليش حد غيرك .. ماليش حد غيرك .. ماليش حد غيرك .
( ســـتار )
ــــــــــــــــــــــــــــــــــــــــــــــــــ ــــ

المشهد الثانى ( يفتح الستار على مشهد غابة
وتجلس مريم على صخرة )
مريم ( تبكى ) ربى والهى يبسوع المسيح .. سامحنى ... لانى تركت منزل والدى .. وجئت الى
هذة الغابة .. ربما أجد الوحوش فيها دون قساوة البشر للبشر .. لقد أصبح منزل والدى
الحياة فيه لا تطاق .. بعد أن سيطرت زوجة أبى على كل شىء ..وأنت وحدك يارب تعلم قد
أيه أنا صبرت وأستحملت كثير ... والنهاردة أنا ماليش غيرك ألتجأ أليه .. لقد علمتنى أمى
أن الله لا ينسى أحدا ...فارجوك يارب لا تتخلى عنى .. ولا تتركنى وحدى .. وأرسل ملاكك
الحارس ليحرسنى فى هذا المكان الموحش .. أأنى أكاد أموت خوفا.. أأنى تعبانة مرهقة ..
نفسى أنام .. نفسى أرتاح .. أحرسنى يارب .. أحرسنى يارب
( تركن فى ركن وتنام .
وبعد لحظات يدخل الملاك حتى الصباح )
مريم ( تقوم من النوم ) ياه لقد نمت كثيرا .. أشكرك يارب .. لم أشعر بخوف ولا برد ولاجوع
ولا عطش .. أشكرك يارب .....أشكرك يارب
( يدخل العجوز )
العجوز سلام لك يا بنتى الصغيرة
مريم من .. من أنت
العجوز لا تخافى يا صغيرتى .. ولكن .. من جابك الى هذا المكان
مريم لا أعرف .. فلقد مشيت كثيرا ولا أعرف الى اين كنت ذاهبه
العجوز أراك متعبه جدا ..
مريم ماهذا الذى تحملينه معك
العجوز اغراضى يا بنتى أحملها واتجول بها
مريم ممكن اشيلها عنك
العجوز لا يا بنتى .. كل واحد يشيل شيلته
مريم طيب تعالى أرتاحى وانا معايا فى سلتى قليل من الخبز والماء .. ياريتك تقبلى نأكلى معايا
العجوز انت فتاة طيبة القلب .. بارك الله فيك .. ما أجمل كلامك .. ولكن لماذا جئتى الى هنا يا
أبنتى
مريم أبنتى .. ما الذها كلمة سمعتها .. لم أسمعها منذ زمن بعيد .. فلقد رحلت أمى للسماء وانا
صغيرة
العجوز ولما تبكين الأن .. أعتبرينى من اليوم زى والدتك .. ولكن أين والدك
مريم لقد تزوج بأخرى .. وهى أمرأة لا ترحم .. قاسية القلب .. وقد طردتنى من البيت ..
فمشيت اتجول لا أعرف الى أين سأذهب حتى وجدت نفسى فى هذا المكان .. ولكننى
أموت خوفا
العجوز لا تخافى يا بنتى .. مادام الله معنا فمن علينا
مريم ولكننى كنت أسمع .. أن فى الغابة
سيدة عجوز تخطف الاولاد
العجوز ( تضحك ) من قال لك هذا الكلام .. لا تخافى يا بنتى .. لملمى أغراضك وتعالى معى
مريم لقد أحببتك .. وسأذهب معك الى أى مكان .. دعينى أحمل أغراضك
العجوز انك صغيرة .. وأغراضى ثقيلة عليك
مريم لا يا جدتى .. سأحملها عنك .. أرجوك دعينى احملها عنك
العجوز زى ما أنت عايزة .. ربنا يباركك
مريم ألا تعلمى يا جدتى أن الله يقوى الضعيف فقد قال ... قوتى فى الضعف تكمل
( يسيران معا ويظهر الملاك ويسير خلفهما )

( ســـــــــــــــــــــــــتار )

ــــــــــــــــــــــــــــــــــــــــــــــــــ ــــــــــ

المشهد الثالث (نفس مشهد المنزل السابق )
( الزوجة تجلس تتصفح المجلات )
( تدخل الخادمة )
الخادمة سيدتى سيدتى ,, أرى سيارة كبيرة تقف أمام الفيلا
الزوجة أكيد ده واحدة من صحاب بنتى
( الخادمة تنظر من الشرفة )
الخادمة فعلا انها واحدة .. ولكنها كالأميرة ..ومعها فتاة صغيرة .. ساذهب لأفتح لها الباب
بسرعة ..
( تدخل الخادكة وخلفها الأميرة مع مريم )
الأميرة سلام لك
الزوجة أهلا بيكم أتفضلوا .. طبعا أنتم صحاب بنتى ليلى .. هى زمانة جاية مش حا تتأخر
( تجلس الأميرة وبجوارها مريم )
الأميرة أين زوجك
الزوجة زوجى .. مين حضرتك .. وعايزة زوجى ليه
الأميرة أولا أقدم لك الأميرة مريام
الزوجة أهلا يا حبيبتى .. زى القمر ... أيه الجمال ده كلة
الأميرة أيه أول مرة تشوفيها
الزوجة لا ما حصليش الشرف .. أنا شفتك قبل كده
مريم ياما ...
الزوجة ياما .. أمته يا حبيبتى
مريم لما كنت عايشة فى بيت أبويا ذليلة ... لحد ما طردتينى من بيت أبويا
الزوجة أنت ... أنت ... أنت
مريم أيوه أنا مريم بنت زوجك .. اللى طردتيها من بيت أبوها
الزوجة مريم .. لا مش ممكن
الأميرة ليه مش ممكن .. ماهى قدامك أيه
الزوجة أزاى ده حصل وأمته وفين
مريم الفضل يرجع ليك
الزوجة لى أنا أزاى
مريم لما طردتينى من بيت أبويا .. ربنا أراد أنه يعوضنى
الزوجة بس أنا عمرى ما طردتك من البيت .. أنت اللى سيبتى البيت
الأميرة سابت البيت بسبب معاملتك ليها
الزوجة دأنا كنت بحبها زى بنتى تمام
مريم بنتك … النهاردة بتقولى الكلام ده ... عجيبة
الأميرة مريم كانت عايشة فى الغاية مع الوحوش.. والست العجوز لقيتها ... وحبتها .. وعلشان
كده العجوز جابتها عندى علشان أعتبرها زى بنتى اللى فقدتها ..وفعلا هى تستحق أن
تكون اميرة
الزوجة مريم ديه .. بقيت أميرة .. لا لا أن أكيد بتهزرى
الأميرة مريم هى الوريثة الوحيدة لى فى القصر والأطيان والعمارات .. ربنا عوضنى عن بنتى
بأفضل فتاة تستحق أن تكون مثل بنتى ,, وتكون وريثى الوحيد
الزوجة لكن …لا ده مش ممكن
مريم ليه يا مرات أبويا
الزوجة لأنك لازم تعيشى معايا هنا .. فى بيت والدك .. والدك محتاجلك .. وأنا كمان
مريم وأسيب أمى الأميرة
الزوجة انا اللى أمك مش هى
مريم ما أنا كنت هنا .. وعمرك ما حسستينى أنك أمى
الأميرة ياللا بينا يا مريم .. حققت رغبتك أنك تزورى بيت أبوك ... كفاية كده ياللآ بينا .. تعالى
نروح لبابا فى الشغل علشان يعيش معانا فى القصر.
( تخرج الأميرة ومريم معا )
الزوجة بقى يارب .. مريم الجاهلة .. تبقى أ ميرة .. كان نفسى ترضى تعيش معايا ,,, وأنا أبعت
بنتى تعيش مع الأميرة وتكون وريثتها مش مريم .. أه يا أنا .. حا اموت من الغيظ !! ..
مستحيل يحدث هذا .. بقى الجاهلة تبقى أميرة .. لازم بنتى هى اللى تكون أميرة .. انا
حا أبعت بنتى الغابة وتقابل العجوز .. والعجوز لما تشوفها حا تحبها وتبعتها للأميرة . ..
وأكيد لما الأميرة حا تشوف بنتى حاتطردها وتخلى بنتى هى بنتها .. أوه كده صح .. بنتى
تبقى أميرة .. ومريم تترمى فى الشارع لازم بنتى تكون أميرة .. وتكون الوريثة الوحيدة ..
لازم .. لازم .. لازم .
( ســـــــــــــــــــــتار )
ــــــــــــــــــــــــــــــــــــــــــــــــــ ـــــــــــــــــــــ
المشهد الرابع ( مشهد الغابة السابق )
تبدو الفتاة وحيدة بالغابة فى خوف وقلق )
ليلى أنا لا أعرف لماذا أرسلتنى أمى إلى هذا المكان الموحش .. ياله من مكان مخيف ومرعب
.. أننى خائفة .. لا .. لا .. لا .. سأعود للمنزل .. أنا لا أطيق الحياة هنا .. مش ممكن أقدر
أقعد لوحدى هنا دقيقة واحدة .. أنا خايفة خايفة خايفة
( تظهر العجوز )
ليلى من .. من أنت
العجوز أنا ست عجوز أعيش فى الغابة بقالى سنين وسنين
ليلى ما هذة الرائحة التى تخرج منك .. أنك عجوز قذرة .. ما اقبحك ... أأنت العجوز التى
كلمتنى أمى عتك .. لا مش ممكن
العجوز ومن هى أمك
ليلى لا يهم .. ولكننى أخت مريم
العجوز مريم .. من تكون مريم
ليلى مريم التى جائت الى هنا وارسلتيها الى القصر لتصبح أميرة
العجوز أذن .. أنت أخت مريم .. الأميرة مريام
ليلى أيوه أنا أخت الأميرة مريام
العجوز ولما جئت الى هنا
ليلى جئت لأكون مثل أختى .. أنظرة الى جمالى .. أنظرة الى فستانى الرائع
العجوز آه فهمت .. دلوقتى بتقولى أختى .. مع أنك حذرتيها أن تناديك بأختك
ليلى أنا جاية هنا علشان تودينى عندها .. علشان تسامحنى
العجوز تسامحك على أيه
ليلى أنا كنت غلطانة .. وأمى قالتلى لازم تروحى تسامحك .. دانا بحبها موت وحا تجنن عليها
العجوز و أيه كمان
ليلى وأعيش معاها فى القصر .. وأكون أميرة زيها
العجوز حسنا .. سأخذك أليها .. ولكن ممكن تساعدينى فى حمل هذا الكيس لأننى مرهقة
ليلى أخرسى ...أنا أشيل الكيس ده .. ليه هو أنا خدامة.. أنظرى الى ثيابى ووجهى أتها العجوز
العجوز معلهش ما أخذتش بالى من فستانك .. سامحينى يا بنتى
ليلى أنا بنتك ... أنت بتخرفى بتقولى أيه .. ياللا ياللا ودينى لأختى الأميرة
العجوز أنا ما أعرفش أن لسه فى نفوس شريرة ,, تختفى وراء زينة ملابسها .. أعلمى أيتها الفتاة
أن الغنى والنفس والجمال هو جمال الأخلاق
ليلى أنت حا تعلمينى أزاى أتكلم .. كلامك كلام جاهلين .. أسرعى بى إلى القصر .. ولا تضيعى
وقتى بثرثرتك .
العجوز أذن أنتظرينى هنا حتى أعود
ليلى وهل تتركينى هنا وحدى
العجوز أذا كنتى خائفة عودى من حيث جئتى
( تخرج العجوز )
ليلى يالها من عجوز .. ولكن من أجل الغنى والجاه .. سأتحمل وجهها القبيح .. ولكن ألى متى
سأتحمل أننى لا أطيق الحياة هنا
( تدخل أمرأة قروية سائرة على الطريق )
ليلى تعالى من أنت
سميرة أنا سميرة .. ولكن لما أنت هنا
ليلى أننى أنتظر العجوز التى تقيم هنل فى الغابة . .. ولكن هل أنت تعيشين هنا
سميرة نعم .. مع أخوتى الصغار وأبى المسن
ليلى ألا تخافين الحياة فى هذا المكان الموحش
سميرة كيف أخاف .. أن الله لا يسمح بأيذاء شخص أن لم يكن مستحقا الأيذاء
ليلى ماذا معك .. هل معك طعام .. أننى أموت جوعا .
سميرة نعم .. خذى هذة لقمة من هذا الخبز الذى أأعدته لأخوتى الصغار
ليلى ماهذا .. ما أقبح هذا الخبز .. أن خبزك لا أستطيع أن أتناوله .. أنه ردىء جدا وناشف ..
ثم أنى معى فلوس كثيرة .. أنا ثرية
سميرة أنا ما أعرفش أن الأغنياء لا يتناولون طعامنا ... وأنت جوعانة .. ماذا تفيدك الفلوس الأن
...وأنا لا يهمنى أن كنتى غنية أم لا .. فنحن هنا فقراء نقتنع بعيشتنا الهنيه ونرضى بخبزنا
هذا ,, ونشكر الله على كل عطاياه ( تأكل من الخبز ) ما ألذ هذا الخبز .. أما أنت فأبقى
هنا بالجوع ألى أن تحصلى على منا هو أفضل بقلوسك .
( تخرج القروية وتتركهاوتنام ليلى ويظهر الملاك )
الملاك ماذا أفعل مع هذة الفتاة الشريرة القاسية .. لقد رأيت أعمالها .. لابد أن تأخذ درس فى
حياتها .. نعم سأجعلها تمرض .. وتكون أقبح فتاة .. لترجع عن شرورها وفساوتها ,
( يختفى الملاك وتنهض ليلى بوجه ملىء بالجرب )
ليلى أه .. أننى أشعر بألم فى جسمى كله .. أن وجهى يبدو علية الآرهاق والأصفرار ..
( تدخل العجوز )
ليلى لما تأخرتنى أيتها العجوز
العجوز ماذا بك .. أراكى مرهقة ومتعبه جدا .. ماهذا ماذا أصاب وجهك
ليلى ماذا به ...
العجوز لفد سرى الجرب على وجهك .. ما اقبحك .. أين جمالك .. أين أناقتك .. ماذا حدث لهما
ليلى ماذا تقولين .. أنك تغارين منى لأننى جميلة الجميلات
كنتى .. ولكن الأن وجهك لا يطاق النظر اليه .. أسرعى الى والدتك .. ربما يمكن أن تعالجك ..
وربما تكون فلوسك تشفيك ..
( تخرج ليلى مرأة وتنظر أليها )
ليلى ماهذا .. أين جمالى .. أننى جرباء جرباء جرباء .. لا أستطيع أن أعود الى أمى بهذا الشكل
العجوز سأتركك الأن ... لتنعى بالحياة التى تستحقينها
ليلى أذهبى عنى .. فأنت السبب .. أنت السبب ... أنت سبب بلائى وعذابى
العجوز لا.. لست أنا االسبب .. بل أنت .. وظلم والدتك لأختك .. وكبريائك أنت عليها .. والله صنع هذا بك ليريكم الله لا يترك الظالم على ظلمه .. وليريكم بأن يد الله فوق يد الأنسان مهما كانت قوية ,, وأن فقد الضعيف رحمة أخية الأنسان .. فأنه لم يفقد رحمة الله .
( تختفى العجوز )
ليلى ماذا أفعل .. مستحيل أن أعود لأمى هاكذا .. أن أمى لا رأتنى هاكذا ستموت ..حزنا على ..
كيف سأعيش بهذا الوجه القبيح بعد أن كنت جميلة الجميلات .. لقد تعبت ومرضت .. ولا
أدرى ماذا أفعل .. ماهذة الأصوات التى أسمعها .. أنها أصوات حيوانات مفترسة قادمة
نحوى .. أه ,, أكاد أموت خوفا .. ستمزقنى هذة الوحوش .. أين أذهب .. أه .. رأ سى تدور
تدور... ما أشقانى ... ما أتعسنى .. ما أشقانى وأتعسنى ..ويل لى .. سامحينى يا أختى ..
سامحينى يا أختى ,, سامحينى يا أختى ..

( ستــــــــــــــــــــــــــــــــــــار )

ــــــــــــــــــــــــــــــــــــــــــــــــــ ــ
المشهد الخامس ( منزل / نفس مشهد المنزل السابق )
( تدخل الزوجة )
الزوجة لقد مضى يومين .. دون أن تعود أبنتى .. لقد أرسلت جميع الخدم للبحث عنها .. لم
يجدوها .. ما سبب غيابها ... هل نسيت أمها بعد أن سمنت بقصر الأميرة .. لا أكيد
سوف تحضر وأن سبب تأخيرها أنها تعبى ء الهدايا التى ستحضرها لبى ,, سوف تأتى
بعربتها الفاخرة ,, وسوف أعلن الأفراح بعودتها أميرة .. وسستكون أبنتى المستحقة
الوحيدة والوريثة للأميرة ..
الخادمة سيدتى لقد بحثنا عن أبنتك فى كل مكان فلا يوجد اها أثر
الزوجة لا تبحثون عنها .. بعد الأن .. فهى الأن بقصر الأميرة وسوف تأتى اليوم أو غدا
( صوت ضجة كبرى وأصوات خارج الفيلآ )
( تخرج الخادمة لتعرف ماذا حدث )
الزوجة ماهذا .. يبدو أن أبنتى قد وصلت .. سأذهب لمقابلتها ... لقد عادت أبنتى من القصر
أميرة الجميلات ..
الخادمة سيدتى ,, لقد جاءت أبنتك و ...
الزوجة والأميرة معها يا جاهلة .. أليس كذلك ما تود أن تقوليله
الخادمة لا يا سيدتى .. ليست مع الأميرة .. ولكن
الزوجة ولكن ماذا
الخادمة وجدوها ملقاه بالغابة وقد تشوه جمالها و تغيرت معالمها
الزوجة ماذا تقولين .. ماذا تقولين ...ويلى .. أين هى .. أين هى
( تدخل ليلى فى حالة لا يرثى لها مع الخادمات )
الزوجة أه أبنتى .. ماذا جرى لك .. أبنتى ماهذا .. ماذا حدث لك .. أين جمالك .. أبنتى صارت
جرباء .. لا لا ليست هذة أبنتى .. نعم ليست أبنتى .. ابنتى جميلة الجميلا ت ,, لا يمكن أن
تكون هذة أبنتى ....نعم ليست أبنتى ,, لا لا ليست أبنتى
ليلى ماما .. ماما .. أنا أبنتك ليلى
الزوجة ليلى .. بنتى .. جرباء .. معقول هذا .. أين جمالك.. أين سحرك .. ماذا حدث لك
ليلى أنت السبب يا ماما .. أنت السبب يا ماما
الزوجة أنا .. أنا أردت أن تكونى أميرة .. وريثة للجاه والمال والخدم والحشم .. لماذا يحدث لى
هذا .. لماذا لماذا لماذا
( يدخل الزوج )
الزوج هل نسيت ماذا فعلتى بأبنتى .. تزوجتك .. ورعيتك وأعطيتك كل ما أملك من أجل أن
أرضيكى أنت وأبنتك .. ولكنك ظلمتى أبنتى وطردتيها من منزل والدها .. كل هذا ولم
تعرفى لماذا يحدث هذا لك ولأبنتك .. طردتيها وأنت تعلمى أنه لا يوجد مكان تذهب اليه ..
لم تعرف الرحمة قلبك ولا قلب أبنتك .. فهربت من البيت من أجلك ومن أجل قساوتك ...
ولكن الله لم يتركها .. وعوضها أما بعد أمها وهى الأميرة التى جعلتها أبنتها بل ووريثتها
الوحيدة ..
الزوجة مافيش داعى لكل الكلام ده .. أنا غلطانه غلطانة
ليلى وأنا كمان ياما جرحتها .. وياما عاملتها بقسوة ..
الزوج وأديكم كل واحد خذ جزاءة ... انا رايح أعيش مع بنتى .. وانتم خليكم هنا وأطلبوا من
ربنا يسامحكم .. ممكن يقبل توبتكم ... ديه لو كانت التوبه من جواكم خالصه .. أن الله لا
يضرب بالحجارة بل بما هو أمر .
الزوجة كفاية كفاية كفاية .. نعم حقا .. أن الظالم لا بد أن يبلى بظلم .. ليتنى عرفت ذلك .. ليتنى
عرفت أن هناك من هو أقوى .. يا لشقائى وشقاء أبنتى .. لقد جنيت عليها .. كيف أستطيع
العيش وأن أراها جرباء .. بعد أن كانت جميلاة الجميلات ..آه يا أبنتى .. ماذا أصابك ..
أأننى أموت جونا عليك .. أننى فى حسرة .. أنا السبب .. انا السبب .. أناالسبب .. سامحينى
يا بنتى .. أن هناك من يرانى .. هناك من يرى أعمالى .. سامحونى كلكم ,, سامحينى ياا
أبنتى .. سامحنى يلرب ,, سا محنى يارب .. سامحنى يارب ,,
( ســـــــــــــتاروختام )